Drama Mabasa Bali

 SAJAAN SEH.......!

Om Swastyastu

Kacrita risedek dina anu, Cening, Chandra, Alit lan Dena mapupul ring umahne Alit pacang maplalian Goak Maling Taluh, sausan maplalian Goak Maling Taluh raris maplalian makering keringan.

Alit                  :“Beh, kenyel suba maplalian Goak Maling Taluh, jalan jani makering           

                            keringan.”

Dena                 :“Nah, beneh pesan ento lit, lan jani buin majumu mesut.”

Cening               :“Nê, dayanin suba, mare raga kalah ye suud  makejang.”

Chandra            :“Nah, lautang lan jani mesut.”

            Makejang mesut, lantas Chandra ane kalah.

Cening             :“Chandra ane ngalih, ane ngalih matekep sik angkul-angkule.”

Dena                :“Ingetang sing dadi ngintip.”

Chandra          ;“Nah...! Raga sing je ngintip, kema enggalang mengkeb.”

Ane lenan        :“Nah, raga konden man tongos.”

Chandra          :“Sube......!.”

Alit                  :“Alih, sube......!”

            Chandra lantas ngalih timpalne ane lenan lantas bakatange I Cening.

Chandra          :”Beh, ada anak masuksuk ditu care bikul.”

Cening             :”Nah, ragane sube ngalih, kema enggalang mengkeb.”

Chandra          :”Nah, enden malu, nu ngalih tongos mengkeb.”

Cening             :”Sube.......!.”

Chandra          :”Konden.....!. Raga bareng sik mengkeb.”

Dena                :”Mai anake dini mengkeb.”

Alit                  :”Kema ngalih tongos lenan bekan dini.”

Chandra          :”Nah , kanggoang masuksuk.”

Cening             :”Sube...!. Beh adi makelo gatine mengkeb.”

Ane lenan        :”Sube.....!, alih be ning........!.”

            Cening majalan ngalihin timpalne ane mengkeb, lantas tepukine Chandra mengkeb nungging jitne masuksuk ajake tetelu.

Cening             :”Mimih, jit ape nungging ento.”

Ane lenan        :”Ha,ha,ha........!.” (kedek ngakak).

Cening             :”Chandra bakat.........!.”

Alit                  :”Beh, Chandra ngentut aeng gatine boone, pait makilit.”

Chandra          :”Ade entut mebo miik, bes madekes ditu sing asen jite makeplus.”

Alit                  :”Nah, jani ganti, raga ne ngalih, kema ajak makejang mengkeb.”

Ane lenan        :”Nah.........!.”

Cening             :”Raga lakar mengkeb di carike dogen.”

Chandra          :”Nah, kema je, raga kal di beten buluane dogen mengkeb.”

Dena                :”Raga kal di samping paone dogen.”

Alit                  :”Sube...........!.”

Ane lenan        :”Sube...........!.”

            Alit lantas ngalih timpalne ane mengkeb ento, mare ye matindakan , lantas teka Cening melaib ngeling nyerit-nyerit, krana nepukin leak di carike.

Cening             :”Leak, leak, leak..........!.”

Alit                  :”Dija ade leak......?.”

Cening             :”Ditu di carike, aeng pesan gobane.”

Chandra          :”Sajaan ning ade leak lemah-lemah.”

Cening             :”Sajaan...!. ye nagih nyagrep, jeg aeng gatine.”

Dena                :”Men-men, nu ditu leake, dija ngoyong leake tunian.”

Cening             :”Nu....!. Leake tunian ngoyong ditu di tengah carike ane misi padi kuning.’

Alit                  :”Nah, Cening jak Chandra ngoyong dini, tiang ajak Dena lakar natasang

                           ke carike sajaan ape sing ade leak lemah-lemah.”

Cening             :”Melahang lit, nyanan amahe ajak leake.”

Chandra          :”Melahang sagrepe uling duri ajak leake.”

Dena                :”Beh, Chandrane ene ngetug-ngetugin dogen.”

            Alit sareng Dena lantas natasang unduke ento ke carike, ape sajaan ade leak lemah-lemah di tengah carike.

Alit                  :”Den, sajaan ye ada leak kali jani di carike, adi sing percaya raga ada leak

                           kali jani lemah-lemah kene.”

Dena                :”Raga masih sing percaya ade leak kali jani lemah-lemah kene, sajaan leak

                           tinggaline ajak Cening ape sing.”

Alit                  :”Ento sube sing tawang, nah pang sing penasaran lautang tatasang jani kema

                           alih ke carike.”

Dena                :”Nah, lautang, kewala yen sajaan ade leak berarti leak aneh tapi nyata.”

Alit                  :”Nah jalan enggalin ke carik.”

            Alit lan Dena raris ke carik. Neked di carik ajake dadua tusing nepukin leak , nganti paling ye ngalihin leak tuare tepukine, ane tepukine tuah lelakut ane ade di tengah padine ane kuning. Ajake dadua lantas nyemak lelekute ento, sahasa keaba mulih.

Alit                  :”We...! Ning, ene keorahang leak, ene madan lelakut, ane sesai kapasang di

                           carike apang nyeh ye kedise.”

Cening             :”Ooooo.......! lelakut ento, kaden nak leak, bes aeng keto gobane.”

Dena                :”Beh, Cening alah matan barong.”

Cening             :”Ape madan alah matan barong.”

Dena                :”Mata gen gede kala tusing ngidaang ninggalin melah.”

Cening             :”Ye, Dena jenenge, adi yang orahange keto.”

Dena                :”Bes, sajaanne, konden melah tinggalin be orahang leak.”

Chandra          :”Beh, Dena bisa nyalahang dogen, cobak Dena keto masih konden karoan

                           bani tur wanen yen konden tawang ento lelakut.”

Alit                  :”Nah,nah, de ento buin lantangange, ane jani lan suud makering-keringan

                           mapan dina suba sanja.”

Chsndrs           :”Lamun keto, jalan jani mulih bareng-bareng.”

Dena                :”Melahang nyan sing ade leak.”

Cening             :”Beh, orahang dogen Dena masih takut, sing ade leak lemah-lemah.”

            Makejang lantas ngebugin Dena, tur makejang masuryak girang.

Puput/

þ¾¾¾¾]nÓi;,¾¾¾]nÓi;,¾¾¾¾]nÓi;,¾¾¾¾þ